Recent Comments

Blessing in disguise છૂપા આશિર્વાદ

શુક્રવાર, 12 ફેબ્રુઆરી, 2010 કાપલીઓ , 1 પ્રતિભાવો, આપનો પ્રતિભાવ જણાવવા અહિં Click કરો

વર્ષ ૨૦૧૦ ની શરુઆત થઇ છે Adelaide થી Melbourne સ્થળાંતરથી.

કારણ કે નવી નોકરી મળી છે.
કારણ કે પહેલાની નોકરી recession તરીકે ઓળખાતી 'વૈશ્વિક મંદી' ખાઈ ગઈ!
(ઘરે પપ્પાને સમાચાર પણ આ જ ક્રમમાં આપ્યા હતા!)

કહેવાતી permanent નોકરી આ રીતે જવાનું ભારોભાર દુઃખ થયું, વધારે તો એ કારણે કે છેલ્લા તેરેક વર્ષોમાં કરેલી દસેક નાની-મોટી નોકરીઓમાં આ પહેલી હતી જેમાં મને ગૌરવપૂર્વક રાજીનામું મુકવાની તક નહોતી મળી! પણ તે સમાચાર આપવા manager એ બોલાવ્યો તે જ meeting માં નક્કી કર્યું કે હવે ક્યાંક Melbourne કે Sydney જવું છે. અને એ પછીના અડધા કલાકમાં resume (biodata) update/refresh દીધો.

Christmas ની રજાઓ દરમિયાન પરિવાર અને પરિવાર-સમ મિત્રો સાથે Melbourne અને Great Ocean Road ફરવા આવ્યા હતા તે સમયે Boxing Day ના રોજ, Christmas પહેલા થયેલા phone interview નાં અનુસંધાનમાં થયેલ personal interview માં જ નોકરી પાકી થઇ. Hawthorn નામના સારી એવી ગુજરાતી વસતી ધરાવતા area માં ભાડે ઘર પણ મળી ગયું! આ Valentines Day પર સામાન અને partner અને દીકરો ઘરે આવી જશે.

ભગવાન, partner અને મિત્રોનો આભાર કે ખાસ કશી તકલીફ વગર આ સ્થાનાંતર શક્ય બન્યું! જૂની જગ્યા, મિત્રો અને ઘર છોડવાના રંજ ને ખંખેરતાં ખંખેરતાં નવી નોકરી, નવું ઘર અને નવા મિત્રો ની તક સાંપડી તે એક છૂપા આશિર્વાદ સાબિત થાય તેવી પ્રભુને પ્રાર્થના કરું છું!


આ સાથે Adelaide Torrens ને કાંઠે થી લખાતી આ blog અહી વિરામ પામે છે! પણ કહે છે ને કે ...

जहाँ में अहले अमन सूरते खुर्शीद जीते हैं
ईधर डूबे उधर निकले, उधर डूबे इधर निकले

(In this world, men of faith and self confidence are like the Sun,
They go down on one side to come up on the other)
એટલે આ અટલ ઓટલો આટલેથી ઉઠે છે પણ બીજી બાજુ બીજા બજાર માં બેસે છે! હવેથી manmis.wordpress.com પર મનિષ મિસ્ત્રીનાં Melbourne Musings લખીશ!

Bonus:

મને કોઈ વ્યસન નથી (દરેક વ્યસની પોતાના વ્યસન ને અપવાદ ગણે તેમજ હું 'ચા' ને અપવાદ ગણું છું) પણ સારા dinner પછી સરસ મજાનું તાજું મીઠું પાન મળી જાય તો ભૈ વાહ! Adelaide માં Prospect Road પર આવેલ Royal India Grocery Store માં આવા તાજા બનાવેલા પાન મોડી રાત્રે નવ વાગ્યા લાગી મળતા થઇ ગયા છે તે મિત્ર નો આભાર માનવા અને અન્ય મિત્રો સારું આ 'ગમતાનો ગુલાલ' કરવા માટે આજનું bonus આ photographs છે! આશા રાખું છું કે સો થી વધારે posts સાથે અહી અટકતી આ સહયાત્રા માં આનાથી પાન ખાધા જેવી મીઠડી રતાશભરી મજા આવશે!

google indic transliteration सेवा Blogger पर

મંગળવાર, 24 નવેમ્બર, 2009 કાપલીઓ , , , , , 1 પ્રતિભાવો, આપનો પ્રતિભાવ જણાવવા અહિં Click કરો

चलो आखिरकार अब google indic transliteration सेवा Blogger पर  हिंदी और अन्य प्रादेशिक भाषाओं मे उपलब्ध है. गुजराती को शायद अभी देर है पर यहाँ तो पहोंचे! हिंदी मे लिखने के बाद उसे गुजराती मे परिवृत्त करने के लिए xlit bookmarklet का इस्तेमाल किया जा सकता है. पहेले आपको अपने Blogger account मे transliteration सेवा activate करानी पड़ेगी.

આ હુ ગુજરાતીમા લખવા માગતો હતો એટલે મેં google indic transliteration હિંદી નો ઉપયોગ કરીને દેવનાગરી લિપિમા લખ્યુ પછી preview કરીને જે 'લખાન' ગુજરાતીમા જોઇતુ હતુ તેને select કરીને xlit bookmarklet પર click કરતા તે ગુજરાતી લિપિમા પરિવર્તિત થઈ ગયુ જેને copy કરીને પાછા Compose mode મા paste કરી દિધુ.

bonus :
ગુજરાતી xlit bookmarklet xlitG

Google નું Indic Transliteration Tool સીધું Gmail Compose Mail માં - 2

ગુરુવાર, 19 નવેમ્બર, 2009 કાપલીઓ , , , , , , , 0 પ્રતિભાવો, આપનો પ્રતિભાવ જણાવવા અહિં Click કરો

મારી આગલી પોસ્ટ પર કાંતિભાઈ કરસાળા એ સવાલ એ પૂછ્યો કે blogger કે wordpress માં direct email થી નવી post કેવી રીતે મોકલી શકાય? આ સવાલ નો જવાબ blogger પર Mail-to-Blogger અને wordpress પર Post By Mail (અહી પણ) બંને જગાએ છે જ. Wordpress માટે હું તમને Johnભાઈએ લખેલ આ સચિત્ર post વાંચી જવા અને ખાસ તો તેના છેડે આપેલ સરસ video જોઈ જવા ભલામણ કરીશ. Blogger માટે આવું કઈ લખાણ મળ્યું નથી પણ youtube પરની આ video E-mail options: Mail-to-Blogger Address પૂરતી થઇ પડશે. Twitter માટે http://www.twittermail.com આવું જ કામ કરે છે.

આ autosave ના feature પર હજી થોડી વાત કરવાનું મન છે.
આમતો Gmail માં autosave નું feature શરૂઆત થી જ છે. એમાં તમે જેમ જેમ email ની વિગતો type કરતા જાઓ છો તેમ તેમ થોડા થોડા સમયના અંતરે તે તમારો મુસદ્દો (draft) save કરતુ જાય છે. તે gmail નાં servers પર save થાય છે એટલે ઘરે કે office માં કદાચ લખતા લખતા વીજળી ડૂલ થઇ જાય અને computer બંધ થઇ જાય અથવા તમે જાણીને બંધ કરો તો તમે અધૂરો છોડેલો આવો draft save થાય છે 'drafts' માં. થોડી જ વાર પછી વીજળી પાછી આવે ત્યારે કે પાડોશીના ઘરે કે કારની પાછલી seat પર transit દરમિયાન કે theater ના કોઈ બકવાસ song દરમિયાન iPhone કે અન્ય mobile પર Internet available હોય ત્યારે તમે છેલ્લો શબ્દ લખ્યો હોય ત્યાંથી આગળ લખવાનું શરુ કરી શકો છો.

હવે આ જ સગવડ નો ફાયદો લઇ શકાય છે અધૂરા વિચારો, અધૂરા post topics ને સંઘરવા માટે. ઘણી વાર એમાં બને કે વિચારરૂપી તણખો Twitter ના 140 characters માં સમાય એમ ના હોય અથવા તેને વિસ્તૃત રીતે સમજાવવા લાંબુ લખાણ જરૂરી લાગે કે છેવટે લખતા-વિચારતા અચાનક પત્ની યાદ દેવડાવે કે 'ચાલો હવે સુઈ જાઓ, સવારે સાડા આઠની meeting છે એમ કહેતા હતા અને અત્યારે સવારના સાડા પાંચ તો થઇ ગયા!' તો પછી 'આદર્યા અધૂરાં રહે ને હરિ કરે તે થાય' તેમ બોલી ભારે હૃદયે shutdown કરવું પડે ત્યારે બીજી સાંજે એ વિચારમાળા માં નવા મણકા પરોવવા આ 'drafts' ખોલી છેલ્લો ટુકડો આગળ ધપાવવો આસાન બને છે.

વળી અમુક વિચારો માત્ર ક્ષણિક ઊભરા જેવા હોય છે. આવા drafts માત્ર થોડી minutes કે hours માં irrelevant, તરંગી અને ક્યારેક વિચિત્ર લાગવા લાગે છે. ત્યારે એવા draft ને discard કરી શકાય છે. એમાં પણ જો ભૂલથી discard કર્યો હોય તો તરત જ gmail ઉપર એક notification કે સુચના આવે છે તેમાં undo પર click કરીને એવા draft ને કચરાટોપલી કે bin માં થી પાછો લાવી શકાય છે. પણ સાદા email થી વિરુદ્ધ draft માટે આ chance એક વાર જ મળે છે કારણ કે discard કરેલો draft bin માં જતો નથી. (No સત્યવાન-સાવિત્રી story here!)

માત્ર gmail જ નહિ, અન્ય ઘણી બધી services autosave અને draft ને support કરે છે Yahoo Mail અને Hotmail જેવી email service ઉપરાંત તેમાંની Blogger અને WordPress પણ છે. પણ
મારી આગલી post નું મહત્વ માત્ર ત્યાં સુધી કે જ્યાં લગી એ લોકો પણ Indic transliteration service ને support ના કરે. જે દિવસે એ આવી જશે ત્યારે કદાચ મારા જેવા gmail addicts સિવાયના ઘણા તેમના drafts જે તે blogging platform પર જ save કરવાનું રાખશે. ત્યાં સુધી કોઈ જુદા page પરના transliterator typepad પર compose કરેલું લખાણ blogging માટે copy-paste કરતી વખતે પણ 'copy-paste' ખરાબ છે તેવો guilt અનુભવતા bloggers માટે આ ખરેખર એક ઉત્તમ સાધન છે.

અહી એક થોડી technical પણ જરૂરી આડવાત: Gmail uses ajax calls to autosave, and those are not transported on a secure connection, this can be a security breach. so eventhough you have enabled
'always use https' lab feature, you are not sure of any such 'leakage'. તમને યાદ હશે કે email trace કરી આંતરી શકાય છે તે જાણતા આતંકવાદીઓ માત્ર draft save કરી એકનું એક account password share કરીને એકબીજા સાથે સંદેશ ની આપલે કરતા હતા પણ એ તો ખૂબ જ confidential વાતો માટે ધ્યાન માં રાખવા જેવો મુદ્દો છે. તમારી - મારી આ વાતો માટે તો ભલે ને હંધાય સાંભળે, સુઉં કિયો છો?

Google નું Indic Transliteration Tool સીધું Gmail Compose Mail માં

બુધવાર, 18 નવેમ્બર, 2009 કાપલીઓ , , , , , , 0 પ્રતિભાવો, આપનો પ્રતિભાવ જણાવવા અહિં Click કરો

Google વધારે આક્રમકતાથી ભાષાકીય સેવાઓના 'બજાર'માં ઝંપલાવી રહ્યું છે ત્યારે આપણને આ એક સગવડ છોગામાં મળી છે.  હવે google નું indic transliteration tool સીધું gmail compose Mail box માં available છે. માત્ર bold-italic નાં buttons વાળા toolbar પર પહેલા button અ ને click કરતા બધી ભાષાઓના options માંથી 'ગુજરાતી' select કરવાથી એ સરળતાથી type કરવામાં મદદરૂપ થાય છે. Ctrl+g (ચાલો, આમતો BigG ને control કરી શકાય છે! ;) ) નાં ઉપયોગ થી ગુજરાતી અને English વચ્ચે અદલબદલ કર્યે રાખી શકાય છે.

જુઓ આ 'બીડાણ':





આ group ના મિત્રોને સીધું ગુજરાતીમાં communicate ના કરવાનું હવે કોઈ દેખીતું કારણ નથી!
  1. Bloggers ને મોટો ફાયદો એ કે જેમ WordPress/blogger માં directly email થી નવી post મોકલી શકાય છે તેમાં gmail ના drafts નો ઉપયોગ કરીને અનેક વિષયો પર અધૂરી post સાચવી શકાય છે અને જયારે ઠીક લાગે ત્યારે send કરીને publish કરી શકાય.
  2. કોઈ specific keystrokes ની જરૂર નથી. જેમકે 'ઢગલો' લખવા માટે 'dhglo' પૂરતું છે, 'Dhagalo' type કરવું જરૂરી નથી. ક્ષણ=ksn<>kShaN.  આમ 'a' અને 'shift' keys નો ઉપયોગ સદંતર ઘટી જાય છે. ઘણા kaystrokes બચી જશે અને overall productivity વધશે.
  3. આ સગવડ spell-check પણ કરી આપે છે. વધુમાં આ એક dynamically evolving crowd sourced system છે. એટલે નવા શબ્દો ઉમેરતા જશે, જોડણીઓ સુધરતી જશે અને તમને પ્રતિક્ષણ નવીનતમ lexicon નો ફાયદો મળતો રહેશે.
  4. આ સગવડ docs અને wave માં પણ આવશે જ. ત્યારે અંગ્રેજી માં શા માટે વહેવાર કરવો તે સવાલ થઇ પડશે.
Google Dictionary નો મહત્વાકાંક્ષી project વહેતો મૂક્યા પછી તેના ઉપયોગ અને ઉત્તરોત્તર સમૃદ્ધિ માટે આ પ્રકારના tools વધુને વધુ વપરાશમાં આવે તે અત્યંત જરૂરી છે.

તા.ક.: આ આખો email આ tool ની મદદ થી લખ્યો છે.

Bonus:
Google બીજી નાની companies પાસેથી ideas તફાડાવે છે તેવી ફરિયાદ બહુ જૂની થઇ ગઈ છે. આ transliterators નો idea પણ આગળ typepads ને લગતી post કરી તેમાં ઉલ્લેખ કર્યો તે તમામ પાસેથી આંચક્યો છે. આવું થવાથી (મોટી માછલી નાનીને ગળે તેમ) competition ઘટશે તેમ જણાય છે પણ બીજી તરફ Google જેટલો વ્યાપ અને વ્યવસાયિક સફળતા અન્ય players ને મળતી નથી તેથી પ્રગતિને ખાતર પણ ભાષાને તો ખરેખર 'ગાડામાં બેસવા કરતા વિમાનમાં બેસવું સારું' તેમ જોતા હું આને એક પ્રગતિ તરીકે જોઉં છું. Carry on, Google India! we are with you!

PS: Blogger Post Compose does not support Indic Transliteration yet, and the emailed images does not appear properly in the post.

સાતેરાની મુલાકાતે

શુક્રવાર, 30 ઑક્ટોબર, 2009 કાપલીઓ , , , 1 પ્રતિભાવો, આપનો પ્રતિભાવ જણાવવા અહિં Click કરો

આ દિવાળીએ ભારતભ્રમણ યોગ હતો. ગામ હિંમતનગર, વતન એકલારા, સાસરી માણસા અને કાઠિયાવાડ યાત્રા-પ્રવાસ થી અઠ્યાવિસ દિવસનુ આયોજન ભરચક હતુ. મારા વતન એકલારાની મુલાકાત દરમિયાન એક ખાસ ઇચ્છા ફળીભૂત થઈ તે સપ્તેશ્વરદાદા ના દર્શન કરવાની. મારા માટે બહુ ધાર્મિક નહી તો પ્રાકૃતિક મહત્વ ધરાવે છે જેની સાથે બાળપણની મબલખ યાદો જોડાયેલ છે. આજે આ તીર્થનો થોડો પરિચય આપતી સંકલિત માહિતી આપું છું. Australiaમાં આવાં કોઈ પૌરાણિક સ્થળો જે બસો વર્ષથી જૂનાં હૉય તેના વિશે ખબર હૉય તો કહેજો!



અમદાવાદથી લગભગ ૧૦૦ કિ.મી.નાં અંતરે ઉત્તર ગુજરાતમાં સાબરકાંઠા જિલ્લા અને મહેસાણા જિલ્લાની સરહદ ઉપર સાબરકાંઠા જીલ્લાના ઇડર તાલુકાના આરસોડીયા ગામની એકથી બે કિ.મી. ની અંતરે સાબરમતી નદીના પવિત્ર કાંઠા ઉપર કુદરતી સૌંદર્યધામ એવુ સપ્તેશ્વર મહાદેવના નામે પ્રસિદ્ધ અત્યંત સુંદર તીર્થ આવેલું છે. ડેભોલ નદી અને સાબરમતી નદીનો સંગમ સર્જતું આ સ્થળ લોકબોલીમાં સાતેરા તરીકે ઓળખાય છે. આ સપ્તેશ્વર મહાદેવનું મંદિર ઈડર થી ૩ર. કિ.મી અને હિંમતનગરથી ૩૦ કિ.મી. સામે કિનારે મહેસાણા જિલ્લાના વિજાપુર તાલુકાના ફુદેડા ગામથી ર. કિ.મી અંતરે આ સ્થળ આવેલું છે.

સપ્તેશ્વર નામ પરથીજ ખ્યાલ આવી જાય છે કે શિવલિંગનું સ્થળ છે. અહીં મહાદેવનું મંદિર છે જેમાં શિવલીંગની ઉપર સતત ગૌમુખમાંથી પવિત્ર પાણીની સપ્તધારાઓ નિરંતર વહ્યા કરે છે અને કુદરતી રીતે શિવલિંગનું પ્રક્ષાલન કરે છે. આ ધારાઓ ક્યાંથી આવે છે એ કોઈ નેય ખબર નથી. જળાધારીનુ આ પાણી વહીને બહારના એક કુંડમાં એકત્ર થાય છે. મંદિરમાં દર્શન માટે જવું હોય તો પણ પાણીમાં અડધાં ડુબેલાં રહીને જવું પડે છે.

આ સ્થળ વિષે વિશેષ કશું જાણવા મળતું નથી. માત્ર એટલું જ કે અહી સાત ઋષિઓએ તપશ્ચર્યા કરી હતી. આપણા ધર્મગ્રંથો ઉપરથી જાણવા મળે છે કે આ સાત ઋષીઓ તો કશ્યપ, વશિષ્ઠ, વિશ્વામિત્ર, ભારદ્વાજ, અત્રિ, જમદગ્નિ, અને ગૌતમ હતા. આ ઋષિઓ મહાભારત અને પુરાણોની અનેક ઘટનાઓ સાથે સંકળાયેલા છે. કેટલાય વર્ષોથી લોકો આ વાત જાણીને અહી સપ્તર્ષિ શિવલિંગ ના દર્શનાર્થે આવતા રહે છે અને પૂજા કરીને પોતાને ધન્ય માને છે. સાત મહર્ષિઓ ની આ તપોભૂમિ સપ્તનાથ (સપ્તેશ્વર) તીર્થના દર્શને દરરોજ અનેક યાત્રાળુઓ આવે છે. શ્રાવણ માસમાં અને અમાસેએ મેળા જેવું વાતાવરણ સર્જાય છે. શ્રાવણના છેલ્લા સોમવારે સપ્તેશ્વર મંદિરમાં ભક્તો મોટી સંખ્યામાં ઉમટી પડે છે જ્યાં શ્રધ્ધાળુઓ દ્વારા પૂજાઅર્ચના કરવામાં આવે છે.
અહી રમણીયતા ચોમેર ચવાયેલી છે વધુમાં રાધા-કૃષ્ણનું કાચનું મંદિર, ધર્મશાળા, ઘરડાં ઘર, હોટલ અને રસોડાની સગવડ છે. તેથી આ સ્થળનાં ધાર્મિક મહત્વની સાથે સાથે પર્યટક મહત્વ પણ ઘણં છે. તીર્થથી બિલકુલ નજીક બનેલા બે જિલ્લાઓને જોડતા નવા પુલને કારણે આ સ્થળ વધુ સુગમ બન્યું છે. વર્ષ દરમિયાન અમદાવાદ અને આસપાસનાં વિસ્તારની અનેક શાળાઓ વિદ્યાર્થીઓને અહીં પ્રવાસે લઇને આવે છે. આ ઉપરાંત અનેક સમુદાયો પણ અહીં દેવ દર્શન અને સાથે સાથે પ્રવાસની મજા માણવા આવે છે.

મહાભારતના આદિ પર્વમાં જોવામાં આવે છે કે આ સપ્તઋષિઓ (સપ્તર્ષિઓ) પાંડવ વીર અર્જુનના જન્મ સમયે ઉપસ્થિત હતા ત્યારબાદ મહાભારતના યુદ્ધ વખતે પુનઃ આ સાતેય ઋષિઓએ ભેગા મળીને મહાભારતનું યુદ્ધ બંધ રખાવવા કૌરવ સેનાપતિ દ્રોણાચાર્યને વિનંતી કરી હતી. તે સિવાય અનુસાશન પર્વમાં એ પણ જોવામાં આવે છે કે સપ્તર્ષિઓ મહારથી ભીષ્મની મૃત્યુ શય્યા પાસે હાજર હતા. અનુસાશન પર્વમાં લખેલું છે કે જયારે રાજા વ્રષધરણીએ યજ્ઞથી કૃત્યા નામે એક રાક્ષસણી પેદા કરી હતી. તેને સપ્તર્ષિઓએ પોતે પોતાની ઓળખાણ આપીને તેનાથી છૂટકારો મેળવ્યો હતો. આ ઋષિઓ પર ખોટી રીતે મુસાલની ચોરીનો અને અગત્સ્ય ઋષિની ચોરીનો પણ આક્ષેપ મુકવામાં આવ્યો હતો એ વાત ખૂબ જ રસપ્રદ છે. વળી આ ઋષિઓ ઈન્દ્રની બધી જ સભાઓ સાથે સંકળાયેલા વાતાવરણમાં આવ્યા છે. આ બધા ઉત્તર દિશાના ઋષિઓ છે તે ઉપરથી એવી ધારણા થાય છે કે આ સાત ઋષિઓનો સંબંધ આકાશમાં આવેલ સપ્તર્ષિ તારામંડળ સાથે તો નથીને? અહી શ્રી સપ્તનાથ (સપ્તેશ્વર) મહાદેવના મંદિરમાં ખરેખર આ સાતેય શિવલીંગો જુદા જુદા એવી રીતે ગોઠવાયેલા છે કે જાણે આકાશમાં સપ્તર્ષિ જ જોઈ લો. એ પણ શક્ય છે કે જે યુગમાં આ ઋષિઓ અહી પૂજા કરતા હતા તે યુગ માં સપ્તર્ષિ તારની જે સ્થિતિમાં જ શિવલીંગો ની પ્રતિષ્ઠા કરવામાં આવી હોય. જો આ ધારણા સાચી હોય તો સપ્તનાથ (સપ્તેશ્વર) મહાદેવના જુદાં જુદાં લિંગો ના સ્થળ તથા અભ્યાસ ઉપરથી એનો ચોક્કસ સમય કાઢવા માં કોઈ મુશ્કેલી રહેશે નહિ. Settlement commissioner કૃષ્ણચંદ્ર સગરનું એમ માનવું છે કે આ માત્ર યોગાનુયોગ ન જ હોય. આ સ્થળ જ એવું છે કે પ્રાચીન સમયની અનેક ઘટનાઓ સાથે તેનો સંબંધ હોવો જોઈએ. તેમનું એમ મંતવ્ય છે કે આ સાતે ઋષિઓનો સમય ઈ.સ. પૂર્વે પંદરમી સદીનો હતો. એટલે કે આજથી લગભગ ૩૪૦૦ વર્ષ પૂર્વે આ સપ્ત ઋષિઓએ ભેગા મળીને તપશ્ચર્યા કરી હોવી જોઈએ.

બે નદીઓના સંગમ અને સાત મહર્ષિઓના તપની સાક્ષી પૂરતા આ શ્રી સપ્ત શિવલિંગ મહાતીર્થના દર્શને અવશ્ય જવા જેવું છે. આ મહાતીર્થની આજુબાજુનું સૃષ્ટિ સૌંદર્ય એવું છે કે ભગવાન આશુતોષનું ધ્યાન તરતજ લાગી જાય. આ મહાતીર્થની યાત્રાએ આવનારને શાંતિનો અનુભવ અચૂક થતો રહે છે.

સપ્તેશ્વર વિશે 'રવિ' ઉપાધ્યાયનું ઉર્મિગીત
સપ્તનાથના પવિત્ર ધામે જામ્યો કેવો અદભૂત રંગ !

નદી કિનારે મહેરામણ - એ કેવો અલૌકિક સંગ !
શિવલિંગ પર અખંડ અનાદિ,વહે શીતલ જળધારા

સાબરની કોતરની ભૂમિ, સોહે બની રસક્યારા !
પુરાણોની ધર્મભૂમિ આ,આજે કર્મભૂમિ બનતી,

માનવ મનના મનોરથની મંજરીઓ મ્હોરી ઉઠતી
તપો ભૂમિના પુણ્ય પ્રતાપે કળિયુગ પણ દૂર ભાગે

સાબર-ઘેઘૂર, પંખી કલરવ,સ્વર્ગ સમું સુંદર ભાસે.
સત્ય, શીલ સંયમનાં સત્વો યુગયુગ પ્રસ્થાપિત થયાં

વેદમંત્ર, રૂદ્રિ, મહિમ્ન સૌ સ્ત્રોત બની અસ્ખલિત વહ્યાં
જટાજૂટ પર સાબરગંગા શિવજીએ અવિરત ઝીલી

જનકલ્યાણનાં અમી રેલતી, રસ વાટિકા અહીં બની !
એવી મહાભૂમિ તીરે બ્રહ્મબાળ ભેગાં થાતાં

મન મનના સુમેળ થતાંને, દિલડાં સહુનાં હરખાતાં
જ્ઞાતિ સંસ્થા, બ્રહ્મ- જ્ઞાનની કરતી વર્ષોથી લ્હાણી

આ શુભ દિને માંગલ્યોની થાતી અહીં ઉજાણી-
સંસ્થાનો ઇતિહાસ છે ઉજ્વલ, ગૌરવવંતી છે ગાથા

ભૂતકાળનું ભવ્ય છે ભાથું, ભવિષ્યને જે દે વાચા
વિદ્યા દ્વારા બ્રહ્મતેજને દિશ દિશમાં ફેલાવ્યું

જ્ઞાન-દીપથી તિમિર ટળ્યું, સંસ્કાર – અમી રેલાયું
સપ્તેશ્વરના સુભક્તો, ને મહાસપૂતો સાબરના

કષ્ટ વેઠી સંસ્થા સ્થાપી, પહોંચ્યા જઇ તટ સાગરના
રોષ, દોષ, કે ક્લેશ દ્વેષ ના હૈયે કદી લવલેશ હતા

"સેવાધર્મો પરમગહનો -- મહામંત્ર અનિમેષ હતાં
સંસ્કારોનું બી મ્હોર્યું ને - ઘટાદાર વટવૃક્ષ બન્યું.

જ્ઞાનપિપાસુ વિદ્યાર્થીનું માતપિતા શિર છત્ર બન્યું.
વિદ્યાજ્ઞાન થકી દિક્ષીત થૈ જીવનજંગે ઝૂકાવ્યું

એક એકથી ચડિયાતા થૈ સંસ્થા નામ દીપાવ્યું.
એવાં ફાલ સંસ્થાએ ફળાવ્યાં, વડીલોએ બી બોયાં’તા

વિદ્યાદાન કાજે તનમનધન નિ:સ્વાર્થ ભાવે પ્રોયાં‘તાં.
વડીલોનીએ શુભાશિષને આપણ સહું સફળ કરીએ

જ્ઞાન કમલની ઇષ્ટ પરાગે ભેળાં મળી પમરીએ.
કોઇ રહેના એવાં પ્રશ્નો ઉકેલ જેનો જડે નહીં

મનનાં દ્વાર મૂકો સૌ ખુલ્લાં રૂકાવટ કોઇ નડે નહીં.
પંથપંથના ભેદના રાખો,ઐક્ય સમાન મહાસુખ ના

હૈયે હૈયે પ્રગટો દીપક સુપૂત સહું સાબરકૂખના .
શ્રધ્ધાના શુભ સંકલ્પોથી આજે સુદ્રુઢ બનીએ-

વિશ્વાસોના અભિષેકથી સપ્તેશ્વર રીઝવીએ –
મન, હ્રદયથીપુલકિત બનીએ, ૐ નમ: શિવાય ઉચ્ચરીયે..

કવિ : રવિ ઉપાધ્યાય, ‘ રવિ’, (28/5/1982, સપ્તેશ્વર ધામે જ્ઞાતિજનો માટે યોજાયેલ “વિચારવિનિમય શીબીર”માં સહભાગી થવાં જતાં ગુજરાત મેલટ્રેનમાં, રાત્રે 2.00)

માહિતીસ્રોતઃ
  1. શ્રી સપ્તેશ્વર મહાદેવ અને તપોભૂમિ સાર્વજનિક ટ્રસ્ટ દ્વારા પ્રકાશિત માહિતીપત્ર: વધુ માહિતી માટે "શ્રી સપ્તેશ્વર મહાદેવ અને તપોભૂમિ સાર્વજનિક ટ્રસ્ટ" ના હરિભાઈ પુરોહિત (મોબાઈલ) +91-99254-82119 (ઘર-દાવડ) +91-2778-277360 નો સંપર્ક કરવો.
  2. wikipedia નો પરિચયલેખ
  3. દિવ્યભાસ્કર નો પરિચયલેખ
  4. સાબરકાંઠા જિલ્લાની અધિકૃત website પરની માહિતી
  5. ઇડર તાલુકાની અધિકૃત website પરની માહિતી
  6. કવિ રવિ ઉપાધ્યાયની કવિતા

છાપાંની websites: ઝબકતી જાXખ વચ્ચેનું વાંચન

મંગળવાર, 14 જુલાઈ, 2009 કાપલીઓ , , , , , , , , , , , 0 પ્રતિભાવો, આપનો પ્રતિભાવ જણાવવા અહિં Click કરો

રવિવારે સવારની ચાના cup સાથે આ surprise મળી કે દિવ્યભાસ્કર ફરી રૂપરંગ બદલે છે. આમ જુઓ તો છેલ્લે કરેલા ફેરફારો ઉપરાંત નવું કઈ નથી. દેખીતા ફેરફારો (cosmetic changes) થી મુખ્યપૃષ્ઠ ને થોડી સુંદરતા સાંપડી છે પણ જો કોઈ link કે poll ના ચાલે ત્યારે તમામ વાચકો પર testing કરાઈ રહ્યા હોવાનો અહેસાસ થાય છે. એક વાત ખરી કે ગુજરાત સમાચાર ક્યારનાય બીતાં-બીતાં beta site ચલાવે રાખે છે એટલે કે તેને finalise નથી કરાતી જ્યારે દિવ્યભાસ્કર પોતાની readership ના કે content ના જોરે ક્યાંક-ક્યાંક કાચી રહેલી રોટલી પણ પીરસી દે છે!

ગુજરાતી છાપાંની websites પર વાંચનાર કે જોનારની આંખો ને થાક લાગે પણ ઝગમગ કરતી "ટચુકડી" જાXખ ને થાક નાં લાગે! અને ક્યારેક તો આ જાહેરાતો જરા વધુ પડતી લાગે છે! અને હવે તો તમે વાંચતા હોવ તે દરમિયાન શેઠાણી સામે સાડીઓનો ખડકલો કરનાર દુકાનદાર જેમ નવી નવી varieties દેખાડતો જાય તેમ સતત refresh થતી રહે છે. "તમે આ જાહેરાત પર click ના કરી મતલબ તમને એ ના ગમી; તો લો આ બીજી જોઈ જુઓ!".

આંખો ને ખુંચે તે હદે બેડોળ કે out-of-proportion graphics કે જેમાં કરીના કપૂર ના zero figure અંગેના સમાચાર માં તે ટુનટુન જેટલી જાડી દેખાતી હોય કે દેશનેતાઓને ખેતર ની વાડે ખડ ઉગ્યું હોય તેમ ઊંચા-લાંબા કરી દેવાયેલા હોય ("નેતાઓને larger-than-life ચીતર્યા" એમ કહી શકાય?) તેવી તસવીરો સાથેની photo galleries જોઇને jQuery Photo Galleries suggest કરવાનું મન થાય. (BTW, viithii.com પરનુ છબી પ્રદર્શન effect interesting છે!)

સંદેશ અને ગુજરાત સમાચાર beta પર મોટા ભાગે એક જ જાહેરાત બે જુદીજુદી size માં જોવા મળે છે. પણ સંદેશ પોતાની જાહેરાતો (જે અમુક વાર થોડી loud લાગે છે) પણ ચાલુ રાખે છે. જે network તેમણે subscribe કર્યું છે તે એટલું તો સારું છે કે મને અહી Adelaide માં મને વધુ લાગુ પડી શકતી local businesses ની જ ads બતાવે છે! (એ પણ બે-બે વાર - ઊભી ના ગમે તો આડી જોઈ લો!) છેલ્લા થોડા સમયથી સંદેશ પર Times of India Group related એટલી બધી links અને ads દેખાય છે કે એકવાર તો મેં About Us પાનાં પર જઈને ખાતરી કરી લીધી કે ક્યાક સંદેશ ને TOI એ ખરીદી તો નથી લીધુંને!

આ બધી sites પર editorials (તંત્રીલેખો) તો જાણે સંતાડીને રાખ્યા હોય તેમ લાગે છે! દિવ્યભાસ્કર તંત્રીલેખો, સંદેશ તંત્રીલેખો ગુજરાત સમાચાર beta તંત્રીલેખો (કદાચ!)

મારા આ blogની જેમ ગુજરાત સમાચાર ને પણ Adsense દ્વારા તો "Google દ્વારા જનહિત માટે જાહેરખબરો" જ મળે છે.

શું હું આ sites પાસેથી  news.com.au કે nytime.com જેવી  અપેક્ષા રાખું છું? આના કરતાં તો તેઓ WordPress જેવું સુવિકસિત blogging platform વાપરે તો કદાચ વધારે સારા અને સુંદર પરિણામો મળે!

Bonus:
http://www.tidyread.com "જાXખ"નો અકસીર ઈલાજ છે!
તા.ક.
આ post Google Indic Transliterator માં લખી અને પછી blogger ના editor માં edit કરી post કરી.

IndicJinie - कौनसी भाषा चाहिये मेरे आका?

શુક્રવાર, 29 મે, 2009 કાપલીઓ , , , , , 0 પ્રતિભાવો, આપનો પ્રતિભાવ જણાવવા અહિં Click કરો

Google India Labs ने Transliteration Bookmarkletप्रस्तुत की पर शायद उसमे भी वही कमी है जो कि मेरे Lipy Bookmarklet (ગુજરાતી લખો જાદૂઈ Lipy વડે!) में थी - की IFRAME की खिडकी से दीखने वाले "sub-documents" पे वह बेअसर है। जबकी कुछ मित्रोंने इस बारे में मुझे बताया था तभी से मैने इसका हल ढूंढना शुरु कर दिया था। पर security की वजह से parent window का document ऐसे children window के documents से बात नहिं कर सकता। तो सोचा ऐसा क्यूं न हो के ईसी Typepad को जिस किसी पन्ने पर चाहीये तब हाजिर करुं, English, हिन्दी, ગુજરાતી, বাংগ্লা, ଓଡ଼ିଆ, ਗੁਰਮੁਖੀ, తెలుగు, தமிழ், ಕನ್ನಡ, മലയാളം में से किसीभी script में Type करुं, copy करके उसे गायब करके वापस मूल पन्ने पर इच्छित जगह पर paste करुं।

तो हाजिर है IndicJinie bookmarklet - वो जादूई चिराग जो IndicJinie को हाजिर करता है किसी भी पन्ने पर! बस type, copy, close, paste, submit, smile!
आप चाहें तो ईस पर अभी click करके उसे आजमा सकतें हैं। ईसे इस्तमाल करने के निर्देश फिरसे बतानेसे बहतर है में आपको बडकेभैया Google के पास ही भेज दूँ - यहां पर!
Bonus: बस एक hint देता हुं के Lipy को भी हिन्दी में परिवर्तित कीया जा सकता है।

साधु तो चलता भला!

ગુરુવાર, 21 મે, 2009 કાપલીઓ , , , 0 પ્રતિભાવો, આપનો પ્રતિભાવ જણાવવા અહિં Click કરો

Google મહાશયે હમણાં Google Pages ને સમેટીને Google Sites માં ભેળવવાના નિર્ણયનો અમલ કર્યો. Pages માં online webpage designer ની સુવિધા હતી પણ તેમાં પોતાના custom webpages અને xml અને opml files host કરવાની પણ સગવડ હતી.

મફતલાલ અખતરાવાળાની આખેઆખી lab ત્યાં આકાર અને વિકાસ પામી. પણ આ sites, જે wiki નું અનુ-રૂપ છે, તે attachment તરીકે storage કરવા દે છે પણ તે hosting (hoisting નહી!) નથી. આ દરમિયાન અમુક gadgets જેમકે ખેરખબર ગુજરાત 'ખોરંભે' ચડ્યા! હવે free hosting  સેવાઓની મદદથી હાલ પૂરતું એમાંના અમુકને ઠેકાણે 'પાડી' દીધા છે! પણ આ મફતની માયા (કે fancy of FREE) છે ત્યાં લગી "साधु तो चलता भला"!

Bonus:
No promises પણ "મફતલાલનું અખતરાલય" પણ ઘર બદલે છે!

Swine Fly!

ગુરુવાર, 30 એપ્રિલ, 2009 કાપલીઓ , , , 1 પ્રતિભાવો, આપનો પ્રતિભાવ જણાવવા અહિં Click કરો

Rundle Mall upgrade થઈ રહ્યો હતો ત્યારે નગરપંચાયત (Adelaide City Council) દ્વારા કલાત્મક રચનાઓ વડે તેને સજાવવાની મંજૂરી અપાઈ હતી. Marguerite Derricourtએ બનાવેલા ચાર કાંસાની પ્રતિમાઓ Myer center ના ઊંચા building સામે સ્થાપિત કરાઈ અને 3 July 1999 ના રોજ તેમનું અનાવરણ થયું ત્યારથી તે 'મૂર્તિસમૂહ' ખ્યાતનામ થઈ ગયો.



જાણે હમણા હલશે કે દૉડવા માંડશે તેવી વાસ્તવિક આ આકૃતિઓને એકદમ જોઈને પહેલીવાર તો ઘણા ડઘાઈ જાય છે - 'આ વળી અહીં શું કરે છે?'.

લોકો પાસે પડાવેલ નામ દઈને કહું તો Truffles તેની જગ્યાએથી હલતો પણ નથી તો બાળકો તેની પર બેસીને કોઈ જાદુગરના ખેલ જુએ છે, Horatioને બેસી રહેવાનું પસંદ છે એટલે તેને હાથ પસવારવાનું દરેકને ગમે તેમ છે, Oliver સ્વભાવગત અકરાંતીયો છે એટલે એને રમવાનો time નથી અને and Augustaને આમતેમ દૉડાદૉડ કરવી ગમે છે એટલે તેની સવારી કરીને બાળકો photos પડાવે છે. આવતાં-જતાં માનવમેળાને પોતપોતાની સુનિશ્ચિત જગ્યાએથી તદ્દન ભોળાભાવે તાકી રહેલ આ અબોલ અસ્તિત્વોને કચકડે કંડારવાનો લ્હાવો મુલાકાતીઓ ચૂકતાં નથી અને બાળકો ને પણ તે અતિપ્રિય થઈ ગયા છે.

આ વાત છે Rundle Mallના logoમાં સ્થાન પામેલ "Mall's Balls" પછી કદાચ સૌથી વિખ્યાત "A Day Out" તરીકે ઓળખાતી ચાર ભૂંડની પ્રતિમાઓની!

અત્યારે એમને યાદ કરવાનું કારણ એ કે ગઈકાલે અમારા staff માં ફરતી થયેલી એક email માં ચારેયના મૉઢે માસ્ક પહેરાવીને Swine Flu થી સાબદા રહેવા ચેતવણી આપવામાં આવી છે! તમામ airports પર આ virus ને પ્રવેશબંધી ફરમાવતી કરડાકી વર્તાય છે જેથી Flu fly કરીને ના આવે!
SAARS, Bird Flu અને Swine Flu થી ત્રાહિમામ્ પોકારી ગયેલી દુનિયાના તારણહાર તરીકે Adelaide ના વૈજ્ઞાનિક Dr. મોહમ્મદ અલશરીફીને ચમકાવતા આજના The Advertiserના મુખપૃષ્ઠ પર એમાંના એકની આવી 'masked' તસવીર છે. યોગાનુયોગ હું આ લેખ online વાંચતો હતો ત્યારે ANZ Bankની "SmartyPig" campaign ની flash ad ચાલતી હતી!

Bonus:
ચકલી ઊડે ............ફૂર્ર્ર્ર્ર્ર્ર્ર્ર્ર્ર્ર્ર્ર્ર્ર્ર્ર્ર્ર્ર્ર....
પોપટ ઊડે ............ફૂર્ર્ર્ર્ર્ર્ર્ર્ર્ર્ર્ર્ર્ર્ર્ર્ર્ર્ર્ર્ર્ર....
ભૂંડ ઊડે..............??????????
હા ભઈ, ભારતના નેતાઓ એમણે આપેલા તમામ વચનો પાળવાના છે, ક્યારે? ભૂંડ ઊડે ત્યારે!